المواضيع الأخيرة
بحث غوغل
<form action="http://nabk.ingoo.us" id="cse-search-box">  <div>    <input type="hidden" name="cx" value="partner-pub-2769414524136907:2h20b2-s9zt" />    <input type="hidden" name="cof" value="FORID:10" />    <input type="hidden" name="ie" value="windows-1256" />    <input type="text" name="q" size="31" />    <input type="submit" name="sa" value="&#x0628;&#x062d;&#x062b;" />  </div></form> <script type="text/javascript" src="http://www.google.com.eg/coop/cse/brand?form=cse-search-box&amp;lang=ar"></script>
<div id="cse-search-results"></div><script type="text/javascript">  var googleSearchIframeName = "cse-search-results";  var googleSearchFormName = "cse-search-box";  var googleSearchFrameWidth = 800;  var googleSearchDomain = "www.google.com.eg";  var googleSearchPath = "/cse";</script><script type="text/javascript" src="http://www.google.com/afsonline/show_afs_search.js"></script>
بحث غوغل
<form action="http://nabk.ingoo.us" id="cse-search-box">  <div>    <input type="hidden" name="cx" value="partner-pub-2769414524136907:2h20b2-s9zt" />    <input type="hidden" name="cof" value="FORID:10" />    <input type="hidden" name="ie" value="windows-1256" />    <input type="text" name="q" size="31" />    <input type="submit" name="sa" value="&#x0628;&#x062d;&#x062b;" />  </div></form> <script type="text/javascript" src="http://www.google.com.eg/coop/cse/brand?form=cse-search-box&amp;lang=ar"></script>
<div id="cse-search-results"></div><script type="text/javascript">  var googleSearchIframeName = "cse-search-results";  var googleSearchFormName = "cse-search-box";  var googleSearchFrameWidth = 800;  var googleSearchDomain = "www.google.com.eg";  var googleSearchPath = "/cse";</script><script type="text/javascript" src="http://www.google.com/afsonline/show_afs_search.js"></script>
بحث غوغل
<form action="http://nabk.ingoo.us" id="cse-search-box">  <div>    <input type="hidden" name="cx" value="partner-pub-2769414524136907:2h20b2-s9zt" />    <input type="hidden" name="cof" value="FORID:10" />    <input type="hidden" name="ie" value="windows-1256" />    <input type="text" name="q" size="31" />    <input type="submit" name="sa" value="&#x0628;&#x062d;&#x062b;" />  </div></form> <script type="text/javascript" src="http://www.google.com.eg/coop/cse/brand?form=cse-search-box&amp;lang=ar"></script>
<div id="cse-search-results"></div><script type="text/javascript">  var googleSearchIframeName = "cse-search-results";  var googleSearchFormName = "cse-search-box";  var googleSearchFrameWidth = 800;  var googleSearchDomain = "www.google.com.eg";  var googleSearchPath = "/cse";</script><script type="text/javascript" src="http://www.google.com/afsonline/show_afs_search.js"></script>

طرائف أبو أمين الخاصة جداً

صفحة 2 من اصل 3 الصفحة السابقة  1, 2, 3  الصفحة التالية

اذهب الى الأسفل

الطريقة السرية لطبخات أبو أمين السحرية:

مُساهمة من طرف حسناء في 6/2/2010, 21:33

تااااااازة من الفرن.....مبارح بس انكتب الموضوع.

=============

الطريقة السرية لطبخات أبو أمين السحرية:

هذه طريقة فذة عكفت معتزلاً الدنيا لاختراعها خلال مدة مديدة بعد رياضة وتأمل وصفاء طويلين .

هي تفيد الأعزب كما تفيد المتزوج بآن واحد معاً كجلمود صخر حطه السيل من عل.

وتفيد المرأة المتزوجة المسكينة -متل مرتي- حيث يفاجئها الزوج برسالة موبايل قبل نصف ساعة

بحضور 10 رؤوس بوابير للغذاء في المنزل.

أنشروها لعموم الفائدة والأجر.

أثابني وأثابكم الله.

======

1- بتجيب 10 كيلو لحمة مفرومة و 5 - 10 كيلو بصل.

وتتوخى عند شرائك اللحمة أن تصطحب البصل معك فتجعل اللحام يفرم لك البصلات.

2- تذهب إلى المنزل.

3- تجيب طنجرة كبيرة جداً والهدف أنك ستطبخ بأقل قدر ممكن من الأدوات التي تشكل جلي زائد

عن اللزوم يحطم أعصاب المرء.

4- تقلي البصل قبل قلي اللحمة في الطنجرة لدرجة متوسطة.
تم تفرغ البصل في وعاء آخر.
حتى الآن استخدمنا طنجرة ووعاء واحد فقط . وملعقة تحريك (للأسف).

5- تدب اللحمة مع تغطية الطنجرة وتقليها مع التحريك كل فترة.
وتدب فوقها الملح والبهارات التي تريد.
وفي هذه المرحلة بإمكانك الاجتهاد والفتوى كما يحلو لك.

6- عندما تنضج اللحمة تدب فوقها البصل المقلي والفطر و الجزر أو كل ما تجده عندك في البراد من

خضروات أولريدي (بزاليا ناضجة مجمدة -فول ناضج مجمد..إلخ).وتضع فوق الجميع كمية من الماء ثم

تغطي الطنجرة.

7- تنتظر بهدوء ووعي وحصافة ورزانة حتى ينضج الجميع.

8- تنتظر حتى يبرد الجميع ( دون وعي وحصافة ورزانة).

9- تقسم هذه الجبلة السرية إلى 20 كيس وتضعهم في الفريزر.

10 -لاحظ بأنك لم تترك إلا طنجرة وغطاء طنجرة ووعاء واحد للجلي....وملعقة تحريك للأسف.

لو كنت أعزباً:

ضع الطنجرة والوعاء الفارغين في البراد.

وانتظر فرج ربك.

سيأتيك حتماً قريب أو قريبة خلال مدة ما.

إفلح عليهم واجعلهم يجلون لك الطنجرة والوعاء بعد استخراجهما من البراد.

لو كنت تعلم مسبقاً بأن القادم قليل نخوة ومروءة فما تصنع؟

فاوضه.

لا تطعمه عندك من طبختي السرية إلا بعد توقيع تعهد عند كاتب العدل بأنه سيجلي لك الطنجرة

والوعاء وكل ما تسبب هو به من توسيخ لصحون وملاعق وكبجايات وطاولة وهراهير على الأرض أيضاً

.... إلخ.

---------------

الآن أنت مخرطش البراد وعلى أهبة الاستعداد للإبداع في أي وقت وأية لحظة:


- لو أردت صنع معكرونة: تدب كيس = نصف كيلو من الجبلة السرية فوق المعكرونة.

- لو أردت صنع بطاطا : تدب كيس فوق البطاطا.

- لو أردت صنع فاصوليا : مرتك تصنع الفاصوليا وتدب فوقها كيس.

- لو أردت صنع أكلة صينية : تسلق خضار متنوعة وتدب فوقها كيس وتدب فوق الجميع الصويا سوس.

- لو أردت صنع أي شئ آخر : فهذه الخلطة السرية جاهزة لأي طارئ.

- لو طلع علبالك أكلة لا تفيد فيها هذه الخلطة:

اطلب من زوجتك بحزم عنيف مشفوع بكثير من التوسل لكي تصنع لك الشيشبرك أو الكبة أو

المعكرونة بالباشميل....إلخ.

أقول قولي هذا وأستغفر الله لي ولكم ولسائر المؤمنين أجمعين.

نسألكم دعوة صالحة بظهر الغيب.

لئن لم تفعلوا...فذلك عيب.

أبو أمين.

6-2-2010

= منقول =
avatar
حسناء
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف حوراء في 18/2/2010, 21:17

كتب ابو امين:
من شي أربع سنين كانت تجيني فواتير كبيرة جداً على موبايلي.
صرت شوف الرسائل والمكالمات الصادرة لقيت أسماء عجيبة غريبة

بعضها أعرفها.

حصرت مخي شي سنتين زمان وما قدرت حل اللغز.

قلت لحالي:اسأل الأولاد...

تاري الأولاد عميوفروا الوحدات ويتصلوا من موبايلي.

عملتلو باسوورد. وارتحت تمام.مدري مين فكللي الباسوورد.

حطيت باسوورد عويصة.

ماعرفت افتح بعدها الموبايل.

رحت علمختص لحتى حررت تليفوني من الأسر.

وحطيت باسوورد جديدة شغالة ومريحتني تمام.

من جديد عملوا بسورية خدمة (حاكيني من كيسي).

آم انبخش كيسي.

صاروا الأولاد يحاكوني ويحاكوا أمهم من كيسي علطالعة والنازلة.

آل شو؟ نحنا عنا خطوط وهي أرخص من الوحدات.

وجدت كلامهم مقنع.

قلت لحالي معليش خليون يفرفحوا شبابن شوي.

بس شغلة أنو رفقات أولادي يحاكوني من كيسي ما عجبتي بنوب.

ألو مرحبا عمو كيفك إنشالله منيح؟ أرجو ما كون أزعجتك (ترحيب بحضرتنا لمدة نصف ساعة من كيسي)...

بعدين: ممكن تقول لفلان أو فلانة يتصلوا فيني علأرض؟

(منقول)
========
واحد دكتور زراعة اسمو أبو اسماعيل كان جار أبو أمين بالرقة وصاحبو.

صار المدير العام لمؤسسة الأعلاف.

ولساتو لهلأ المدير.

راحت قرايبتي لعند أبو أمين علشام مشان يعمللا واسطة تتوظف

بمؤسسة الأعلاف.

قللها أبو أمين:

انتي خريجة انكليزي شو بدك تشتغلي بمؤسسة الأعلاف؟

ذواقة؟

(منقول)
avatar
حوراء
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

قوي وخطير جداً - جوز بزاز

مُساهمة من طرف المتدخلش في 7/3/2010, 08:33

موضوع لم ينشر في أي منتدى بل وصل لمجموعة خاصة عبر البريد الإلكتروني.

ولأهميته القصوى أرسله المستحي وغيره لمنتدى نبك التصدي أمس طالبين نشره هناك فله مدلولات عظيمة الفائدة كُتبت بأسلوب الساموراي المذهل.يستحيل على أي مبخوش فهم المقصود.

سأدرج لكم هنا قسم من الموضوع لخوفي أن لا ينشروه في منتدى نبك التصدي.

وأهنئهم على أنهم غيروا ستايل منتداهم ووجدوا فراغ لهذه العملية.

////////////////////////////
////////////////////////////

جوز بزاز:
..........


مبارح 24-2-2010 وأخدت حالي غدر ونزلت علسوق بشكل فعلي ونظامي.


فردت ورقة الأعمال المطلوب مني تنفيذها طلع طولها مترين ونص.

بلا طول سيرة :

من الساعة 2 ظهراً - 9 ليلاً استطعت تنفيذ 10 سم فقط من الورقة .

رجعت علبيت بباص * * * المخصص لل * * * .

جلست جنبي واحدة شي 25 سنة وكان الطقس دافئ نسبياً .

المخلوقة لابسة جاكيت صوف وتحتو كنزة بيضاء ضيقة جداً (يمكن بيسموها ستريتش).

الزمن الوسطي للوصول * * * حوالي 25 دقيقة.

قعدت البنت تسولف معي يمكن ما قدرت تقاوم سحري وجاذبيتي الأخاذة وتواضعي المفرط وبراءتي الجمة.


مع أنو ما كنت صابغ شعري يللي بيشبه فرشاية المدفع .

شكلي كان متل يللي جاي من ورشة صب بيتون مسلح....

ومع ذلك جبتا كتاف من أول ثانية.



ملاحظة:
---------
معلم الباطون ماشي مع خطيبتو:

-هي: شايف الطقس قديش حلو؟
-هو: أي والله . خرج صبّ.


الملاكم ماشي مع خطيبتو:

-شايفة القمر قديش بعيد؟
-أي والله وحلو كتير.
-ببوكس واحد بجيبك هنيك.

. . . . . . . . . . . .

فتحت البنت سحاب الجاكيت الصوف..... فظهرت تضاريس أخاذة....

طلعولي جوز بزاز طالعين لفوق طلوع غير معقول (لكنً فوق المذكورين توجد الكنزة الستريتش لشديد الألم والأسف).

دغري تذكرت الفيلم تبع اللزيقة المدهشة يلي بترفع البزاز.

صارت البنت تحكي معي وأنا ماني هون.

فضول قاتل انتابني للتحقق من:

هل هي تستخدم الاختراع المذكور أم لا.

ولكن توجد مشكلة...

كيف لي أن أتحقق من هذا الأمر والباص مليان ناس لو انقضوا علي لكانوا سرقولي لباسي الصوف النفيس.


صار الموبايل يرن بجيبتي وأنا حاطط إيدي بلجيبة وكل 5 ثواني بسدلو بوزو .

البنت عمتقللي ليش ما عمترد؟علأقل شوف مين وبعدين لا ترد.

اضطررت لإخراج الموبايل وحطيتو علصامت بعد جهد جهيد حيث نسيت في خضم تلك الحالة كيفية الاستخدام...

صارت البنت بدها معلومات عن الموبايل وكيف بيشتغل كومبيوتر وموبايل....إلخ.

ولحتى تكمل معي المنغصات صار الموبايل التاني يرن وسديتلو نيعو كمان.

لك العمى ما حدا ممكن يقدر ظروف الآخرين في هذه الأيام.

وقع بازار بيني وبين البنت لكنها تركت جاذبيتي وطبست بالموبايل وصار بدها تشتريه ببلاش وأنا أقاوم ما كنت بصدده من تساؤلات هامة حاسمة وفي غاية الإلحاح المستفيض.

المشكلة أنو الكنزة لها قبة عالية.

يعني الواحد ما بيقدر يمد راسو شوي ليشوف الشغلات التي يبحث عن ماهيتها وحقيقتها..........

=يتبع في نبك التصدي إن شاء الله=

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف المتدخلش في 10/5/2010, 09:59

احزروا مين هدول علكيتار



http://img718.imageshack.us/i/guitarous2.jpg/


[url=http://nabk.ingoo.us/gallery/caaaeaa-
caoioi-a-caaeiiao/siecn-pic_14.htm]http://nabk.ingoo.us/users/2614/63/18/44/al
bum/guitar10.jpg" alt="" />[/url]



الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف المتدخلش في 10/5/2010, 10:03


يتبع العزف الحقيقي بالصوت والصورة



الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف المتدخلش في 10/5/2010, 10:08

//////
وقع بازار بيني وبين البنت لكنها تركت جاذبيتي وطبست بالموبايل وصار بدها تشتريه ببلاش وأنا أقاوم ما كنت بصدده من تساؤلات هامة حاسمة وفي غاية الإلحاح المستفيض.

المشكلة أنو الكنزة لها قبة عالية.

يعني الواحد ما بيقدر يمد راسو شوي ليشوف الشغلات التي يبحث عن ماهيتها وحقيقتها..........

=يتبع في نبك التصدي إن شاء الله=/////

اشو ما بعتولهن الموضوع والا!!!!!!!!

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف المتدخلش في 20/5/2010, 12:21

يمكن نبك التصدي متزمتين وما فهموا اش المقصود ملموضوع يصطفلوا كمل الموضوع انت يا أخي لو عندك ياه ننتظر على نار
========
========
========

هذه رسالة رائعة لأحد الكروبات البريدية من حوالي شهرين تلاتة
يظهر الحرارة جعلت أبو أمين شاعر......ها هااااااااي

===========

الكريب اكتشف برنامج يجعل الأطياز تتكلم:

- - - - - - - -

الكريب ما عميطيب.
واللابتوب بحضني ينام ويصحو كالحبيب.

جنبي كوشة برامج تنتظر من يكتشفها.
من سنين عامل حالي مو شايفها.

سيدي على يميني
قللي حاجة تخبيني

وخدلك مني بصة.
لاتقول مو فاضي خليلي عندك حصة.

قلتلو هي حطيتك بالسواقة وقدحت الأوكيه بعصة.

طلع معي برنامج لواحد فصيح متلي ومخضرم.
خرج كل إنسان راقي ومحترم.

شوفوا الشغل العظيم هون.
لو ما استوعبتوه الله يكون بالعون.

بدل ما المخابرات تعذب الناس لازم تتعلم.
أساليب تجعل الأطياز تتكلم.

------
ولك يا نجدت إذا بتبعتلي رسالة واحدة على هذا البريد.

ببعتلك مين يفجرلك بريداتك عاجلاً من جديد.

انت أثري وراسك أيبس من خازوق الحديد.

النسوان راسا يابس وما عمتفهم خطر الانترنيت.
لازمن روحة علكومجي كربيت.

ينفضلن راسن نفض.
ويغيرلن البواجي والزيت.

مخن فاضي برات وجوات البيت.
والجوز عميقول ياريتني ما تجوزت ياريت.

عمهلوس شوي من ارتفاع الحرارة.
طافي الشوفاج ومع ذلك عميدفى بيت الجارة.

جنبي فنجان شاي.وما عمبعرف وين بدي أطفي السيجارة.
مزروك كمان...
ولأوصل علدستور لازمني شوفير وسيارة.


----------

البرنامج سهل حيلله جحش ممكن يستخدمو.
مشان هيك بدقيقتين عصرتو عصر ونشفتلو دمو.

ولتجاربي أقدم لكم هذه هي اللينكات.

ضيعت اللينكات...

طيب ...
هي وصلة حلوة بدال الشغل يلي ضيعتو.
يلله جخوا ببلاش وتثقفوا.



Free Ebooks Download
Download unlimited eBooks for Free Download

Now!
http://2020ok.com/5.htm?
gclid=CIvnyoTM0p8CFcZe4wodlmRobw

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف المتدخلش في 20/5/2010, 12:37

وهي نكتة كمان من نفس الكروب:
============
الطفل الأول:
- شو بيشتغل ابوك فلاذاعة؟
-بيشتغل مع سميرة توفيق مع الكورس
-شو بيغني وصوتو حلو؟
-لأ ما بيغني
شفت هادا يللي كل شوي بنط ويقول هووووع؟
-اي ابوك يللي بيقول هوع؟
- لأ ابي يللي بيبعصو مشان يقول هوع

Very Happy

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف كلمح بالبصر في 25/7/2010, 08:53

أخيرا نشر نبك التصدي الموضوع وفهمو اش المقصود ملموضوع
جوز بزاز-بقلم أبو أمين
http://nabki.realbb.net/montada-f6/topic-
t29.htm

مواضيع ساخنة في منتدياتنا

ونشروا هلموضوع المهول
الوسطية بين الصوفية والسلفية-أبو أمين:
http://nabki.realbb.net/montada-f6/topic-
t30.htm

_________________
إنا كل شئ خلقناه بقدر. وما أمرنا إلا واحدة كلمح بالبصر.

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف د.نـهـال في 28/7/2010, 19:30

حدا شاف كيف بيلعب الأستاذ أسامة الغولف داخل منزله؟
تفضلوا:


golf-ous 550 k.b
box.net 841adrbnau

وهنا من سلسلة أفلام بطولة بيت أبو أمين بالفول كونتاكت(ما فهمت معنى االكلمة) أمين يسدد الضربة القاضية لعمه أحمد سنة 2007 أو 2008 :

BOXING-uncle.wmv 3.5 m.b
box.net 9yd6lxcttc

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف MOON في 30/7/2010, 15:42

للضرورة لازم تقروا هذا التعليق البديع من الاخ
tick-tack

http://nabki.realbb.net/montada-f6/topic-t29.htm

قال

يصور لنا الكاتب الفاضل حال الشباب عندما يتعرضون لهذه الإغراءات.
رغم تأكدنا من عدم تأثر الأستاذ بأي إغراء فقد وجدناه يضع نفسه في مقام شاب وجد نفسه بمواجهة موقف

مثير للغرائز.فهذا النوع من الفتيات بتنا نجده في دمشق وفي القرى وفي كل مكان.
علل الكاتب اهتمامه(تضاريس أخاذة)بالفضول الكبير لدرجة أنه لم ينتبه لجمال الفتاة إلا في اللحظات

الأخيرة.
أحيانا يكون الفضول مزلق خطير يودي بالمرء لما لا تحمد عواقبه.
أما عبارة(بدها تشتري الموبايل ببلاش)فلها مدلولات هامة.
انتشرت ظاهرة وجود الفتيات اللائي تحترفن استغلال جمالهن لغايات وغايات.
فتيات جامعيات من عائلات محترمة امتهن تلك الحرفة.
قد تكون الفتاة المذكورة ليست من تلك الفئة وتتصرف على سجيتها كمااعتادت وهنا مكمن الخطر الذي نود

تنبيه بناتنا إليه.
مثلا لو تواجد شخص لديه نصف إمكانيات أبو أمين وربع خبرته وكان ممن يصطادون في الماء العكر لوقعت

الفتاة بمشاكل لا تنتهي.
لدية هاتفين ويقدر على التصوير بهما صوت وصورة وفديو دون أن تدري.
ولديه عنوان بريد الفتاة الذي أعطته لشخص لاتعرفه.
مجرد تهكير بريد الفتاة سيجعلها تحت رحمة أكلة لحوم البشر.
ولا داع لمزيد من الشرح والإسهاب.
إن معرفتنا لشخصية الكاتب تجعلنا نفهم بوضوح ما هو المقصد وما هو الغرض الحقيقي من كتابة هذا

الموضوع الفريد.
ولكن لا نؤيد ورود بضع كلمات أساءت لرقي البحث وقد تحرفه عن مساره المرتجى.
الأسلوب الساخر والطريف في عرض الوقوعات يجعلني أحسد الكاتب على تلك القدرات الفذة والله.
هذه المرة فاجأنا بطريقة جديدة لها مضمون توجيهي وتحذيري في غاية الإتقان والبراعة موجهة بدقة نحو

الشباب وبطريقتهم التي يحبونها .
أما لو شاعت ألفاظ وتعابير أبو أمين في المواقع والمنتديات العربية.....فعلى الدنيا السلام.
ههههههههااااااااااااااااااااااااااي .
==============
انا بوافقو خصوصي بعبارة(
أما لو شاعت ألفاظ وتعابير أبو أمين في المواقع والمنتديات العربية.....فعلى الدنيا السلام.)
صحيح هاي هع ههع هع......
اي والله

_________________
FLY ME TO THE MOON
avatar
MOON
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف MOON في 10/8/2010, 09:58

وصلتني بالبريد
======
شوفوا ابو امين كيف عميوجه دعوة بالبريد لرفقاتو القدمى مشان يلم الشمل:
----------

دعوة غير مجانية:

معزومين عندي علبيت لتدوقوا طبخات مرتي وتتعرفوا مرتي وأولادي.

المناسبة:
في شهر أكتوبر رح يصير عمري 60 سنة كل سنة تنطح اختها نطح لو ضلينا طيبين.

المسؤول الإعلامي:

نونة المتخاذلة المتقاعسة والتي لم تخبر أحداً حتى الآن.

المدعوون:

نفس الطرش السابق مع إمكانية اصطحاب ولد واحد بطنو صغيرة

وبقية الأولاد علويتينك ليست + نجدت + نيللي + دانية

هدول بيخطفوا رجلن وبيجوا من ألمانيا ولندن بيشربوا عندي

نص كاسة مي باردة وبيرجعوا دغري من غير مطرود.

أما عتاب فسنستقبلها من خارج الباب.

على كل رأس أن يجيب معو ما يلي على أقل تقدير:

ترموس شاي - ترموس قهوة - بيدون مي 25 ليتر - بساط -

سجادة - بطانية - بيل - فانوس كاز- عدة صيد بري وبحري....

.ويفضل استبدال الأدوات ب خرج ناشف.

توجد إمكانية للنوم في الحديقة فوق خازوق البحرة لمن يرغب.

أو في مرسم بنتي دانة شريطة تعزيل المنزل.

الكيفية:

نونة تعهدت بتبليغ الجميع منذ شهر.

وابقوا قابلوني بقا.

أنتظر رد نونة حتى نهاية يوم 14.5/ 15/ 3012.

وقع هذه الدعوة ومهرها بحافره الكريم سيادة:

رئيس رابطة إتحاد الأثريون الأشاوس الموقر.

والذي نال الرئاسة لسبب كونه أكبر المذكورين سناً وقدراً

وفصاحة ورقياً .... إلخ

يبلغ من يلزم ويعمم بالقوة تحت طائلة مذكرات جلب وإحضار بطريقة : موجوداً.


No matter what they say , we are all ok.

_________________
FLY ME TO THE MOON
avatar
MOON
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف المطس في 20/8/2010, 22:12

التبجيل عند الخروج.3gp
168 كيلو مباشر مضغوط
ابو امين يعلم الشباب أدب الخروج من مجلسه بعد ما فلح عليهن فلاحة ماكنة
على فكرة الشب ابو شعر اصفر هو بطل فيلم جيمس بوند في النبك ودانة يلي خلعتو الاتلة

http://www.ziddu.com/download/11308934/.3gp.html


ممكن تحمل داونلود او ممكن play مباشر Very Happy
avatar
المطس
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

التصدي على راسو ريشة والا على راسو ريشة؟

مُساهمة من طرف haiity في 30/8/2010, 17:41

كلمح بالبصر كتب:أخيرا نشر نبك التصدي الموضوع وفهمو اش المقصود ملموضوع
جوز بزاز-بقلم أبو أمين
http://nabki.realbb.net/montada-f6/topic-
t29.htm

مواضيع ساخنة في منتدياتنا

ونشروا هلموضوع المهول
الوسطية بين الصوفية والسلفية-أبو أمين:
http://nabki.realbb.net/montada-f6/topic-
t30.htm

كتبوا فلتصدي انو القصة ماانتهت الها كمالة مذهلة طيب بدي افهم انو التصدي على راسو ريشة والا على راسو ريشة؟
Sad Crying or Very sad Sad

كيف عندن كمالة القصة واحنا ما شفناها فأيا مكان؟


Sad Crying or Very sad confused

_________________
شـفت يا أخي المـيـت والعـايـش
أديـش نـحـنـا لـطـفـا وهـنـي هـوايـش
Very Happy
(الأبيات تأليف سوسن الحلوة)
avatar
haiity
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف haiity في 30/8/2010, 17:44

Very Happy Very Happy Very Happy

سالم يشهد لمصلحة ابو امين-منقول من 21-

كتب سالم:

كنت عندو بلصالون سمعتو عميتخانق مع ام امين الله يديمها ويخليون لبعض.
بعدين جاني حامل صينية الشاي وكان عميبربر وينط وما يحط.
-شوبك طالع صوتك للشارع انت وعيلتك؟
-مبني شي تشتري جلاية جديدة بنص حقا؟
هي تاني جلاية بعد ما اهترت الأولانية.
-بشتري.جلايتي هرهرت وصدت وكان لازم فض اشتباك بينك وبين مرتك شو الاصة؟
-بالله عليك تعا معي.
أخدني علمطبخ وفتح الجلاية وقال:
جبت الشاي بلا فناجين وحبيتك تنقي فنجانين وصحنين ومعلأتين للسكر مشان تعاين الجلاية قبل ما تشتريها.
(نقيت فنجانين وصحنين ومعلأتين ورحنا علصالون لنشرب الشاي.)
-شو عجبتك الجلاية؟
-والله جديدة خلنج وبشتريا.
-قول قدام مرتي انو رح تشتريا.
-ليش فهمني شو الاصة؟
-يا أخي مرتي بتجلي الجليات جلي كامل وبتحطن بالجلاية قال انضف قلتلا لشو لكان الجلاية مو لراحتك؟قالت هيك بترتاح من شطف الجليات
-يعني مشان هيك الخناقة؟
-نعم سيدي مشان هيك.
مرتي الله يقويا عندا فرط نشاط يا بتسجل بالجامعة المفتوحة اختصاص تاني وبتنجح دغري بعلامات رهيبة يا بتخترع عمل بين العمل والعمل حتى الأولاد مابتخليون يعملوا شي وهيك رح يطلعوا تنابل نظاميين لك يا زلمي ما حدا منا بيعرف الشغلات الموجودة بالجلاية نضيفة والا وسخة ورح حط آرمة علجلاية لشرح وضع الجليات.
(وفعلا شفت بلنبك الثقافي انو عمل طريقة لهذه الغاية.)
دخلت أم أمين لترحب فيني وتظاهرت ببازار علجلاية بيني وبين أبو أمين.
ما اهتمت للموضوع وقعدت تحكي بلتليفون ونحنا عمنتظاهر بوجود بازار حامي بيناتنا.
ولما طلعت ملأوضة صار أبو أمين ينط وما يحط أكتر ملأول وقال:
ما انطشت يا زلمي ما انطشت لكل هلتهديدات والمجهود الكبير يللي صرفتو بغير وجه حق.
والحقيقة تقال:
مستحيل تعرف هل الموجود بالجلاية نضيف والا وسخ.
الله يديمن لبعض ويديم المحبة بين جميع الأزواج ويديم علينا وعليكن الصحة والعافية والعقل والدين والحب والتفاهم.
والسلام عليكم ورحمة الله وبركاته.

I love you sunny flower

_________________
شـفت يا أخي المـيـت والعـايـش
أديـش نـحـنـا لـطـفـا وهـنـي هـوايـش
Very Happy
(الأبيات تأليف سوسن الحلوة)
avatar
haiity
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف haiity في 30/8/2010, 17:48


فلشتوية الماضية كتب أبو أمين رسالة لكروب بريدي يشكي همو وانا شخصيا ماضل فيني خواصر من كتر الضحك وهذا هو النص :
=======================
الشكوى لغير الله مذلة.

بدي ذل حالي وأمري لله.

لمين بدي أشكي همي ومين ممكن يفرج كربي وغمي؟

ناس بتنسى الخبز والملح والإسكالوب بانيه كمان.

ولا نص ربع رسالة بتبعتلي علإيميل.

وإذا حاكتني علموبايل ما بفهم منها شي غير (بر بر بر بر بر ) من كتر سرعتها بالكلام.

بتسأل سؤال وما بتستنى الجواب وبتسأل غيرو وبتبهدل على شغلات بحيث أنو الواحد ما بيعرف ليش عمياكل البهادل.

ما بتخلي الواحد يحكي ولا نص كلمة علموبايل حتى لو كان عميتصل من كيسو....

أنا واثق من أنو جوزها علجنة سقط لقط دون حساب متل مرتي تمام.

ببعتلها س م س أنو ما عندي تغطية ببيتي بتحاكيني علموبايل.

وبينقطع الخط.

بطلع علجنينة بلبيجاما لحتى لاقي شوية تغطية وبتصل فيها لشوف شو بدها.

- بر بر بر بر بر ...

- لك اسكتي شوي وخليني احكي...

- بر بر بر بر ...

نص ساعة الله وكيلكون بلجنينة زنطرت من البرد وما فهمت غير (بر بر بر بر ).

والقطط عميتحيونوا كمان ويصيحوا بدهن ياكلوا وأنا نازل فيهن خبط ولبط وما عبيت عيونن كمان...

صار معي كريب وزحار أميبي في العقل الباطن ومع ذلك ما فهمت منها شي.

وهي ما عمتفهم أنو موجود اختراع اسمو الإيميل.

فردت المحرمة وقعدت ابكي.

خلصت أول علبة كلينكس أخت هلحالة.

خلصت تاني وتالت علبة فاضطررت لاستخدام طشط لاستقبال الدموع المنهمرة.

بعدين ما كفاني الطشط.

جبت معلم صحية مددلي من أسفل الطشط كوع وبوري 4.5 بوصة عالمجرى الرئيسي للبناية.

طافت البناية واجت البلدية تشفط فائض المياه لقوها غزيرة جداً فتتبعوا المصدر وزبطوني

عمببكي فوق الطشط آموا دفّعوني غرامة كبيرة .


هاد غير أجرة سيارة البلدية مع إنذار عدلي وتعهد خطي بعدم البكاء.

وفوق التعهد المذكور رطلين طوابع كمان.

أنجدوني....

شو بدي ساوي مع واحدة مو سمعانة بشي اسمو إيميل؟

لك سجلت المكالمة من الموبايل وقعدت على مهلي حلل الرموز وأبطأت سرعة التسجيل شوفوا شو طلع معي.

يا جماعة حدا منكن فهم شي من كلامها؟


رابط 164.2 Kb


Download Link: http://quickupload.net/dd0mb1b3n0a7/faaaast-quickupload.net.zip.html

خلصت الرسالة
--------

طبعا انا فكرت انو فعلا سجل المكالمة حطيت التسجيل وخففت السرعة طلعت نشرة أخبار عن قنبلة هيروشيما

هههههههههههههع هع ياي ياي


Very Happy Very Happy Very Happy

_________________
شـفت يا أخي المـيـت والعـايـش
أديـش نـحـنـا لـطـفـا وهـنـي هـوايـش
Very Happy
(الأبيات تأليف سوسن الحلوة)
avatar
haiity
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف عاشقة البحر في 5/9/2010, 13:30

haiity كتب:
كلمح بالبصر كتب:أخيرا نشر نبك التصدي الموضوع وفهمو اش المقصود ملموضوع
جوز بزاز-بقلم أبو أمين
http://nabki.realbb.net/montada-f6/topic-
t29.htm

مواضيع ساخنة في منتدياتنا

ونشروا هلموضوع المهول
الوسطية بين الصوفية والسلفية-أبو أمين:
http://nabki.realbb.net/montada-f6/topic-
t30.htm

كتبوا فلتصدي انو القصة ماانتهت الها كمالة مذهلة طيب بدي افهم انو التصدي على راسو ريشة والا على راسو ريشة؟
Sad Crying or Very sad Sad

كيف عندن كمالة القصة واحنا ما شفناها فأيا مكان؟


Sad Crying or Very sad confused

Very Happy Very Happy Very Happy Very Happy Very Happy
دعم للموضوع المهول

_________________
على شط بحر الهوى
رسيت مراكبنا

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف كلمح بالبصر في 7/9/2010, 18:39

Very Happy


بمناسبة-الحديث-الراقي-عن-الصيد

Very Happy


_________________
إنا كل شئ خلقناه بقدر. وما أمرنا إلا واحدة كلمح بالبصر.

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف haiity في 8/9/2010, 22:35






_________________
شـفت يا أخي المـيـت والعـايـش
أديـش نـحـنـا لـطـفـا وهـنـي هـوايـش
Very Happy
(الأبيات تأليف سوسن الحلوة)
avatar
haiity
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف haiity في 8/9/2010, 22:39



Very Happy Very Happy Very Happy Very Happy Very Happy

_________________
شـفت يا أخي المـيـت والعـايـش
أديـش نـحـنـا لـطـفـا وهـنـي هـوايـش
Very Happy
(الأبيات تأليف سوسن الحلوة)
avatar
haiity
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف haiity في 8/9/2010, 22:42

للي ما عميشوف الصورة كاملة يصغر الصفحة ملفيرفوكس كنترول مع - ناقص وللتكبير كنترول مع + زائد

_________________
شـفت يا أخي المـيـت والعـايـش
أديـش نـحـنـا لـطـفـا وهـنـي هـوايـش
Very Happy
(الأبيات تأليف سوسن الحلوة)
avatar
haiity
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف haiity في 8/9/2010, 23:09





Very Happy Very Happy Very Happy bounce Very Happy Very Happy Very Happy

_________________
شـفت يا أخي المـيـت والعـايـش
أديـش نـحـنـا لـطـفـا وهـنـي هـوايـش
Very Happy
(الأبيات تأليف سوسن الحلوة)
avatar
haiity
عضو


معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف عاشقة البحر في 18/9/2010, 19:48

حجم صغير للموبايل من فيلم -درس البكلوريا-

lesson-final.mp4
1.22 MB
ممكن تشوفو دغري وممكن تعمللو ابلود عجهازك مشان يلي اتصالن بطئ


http://www.ziddu.com/download/11730818/lesson-final.mp4.html
وبنفس الصفحة اضغط Play بتشوفو دغري

وهون الحجم الكبير من فيلم -درس البكلوريا- المهول كإنو البوكس صاب المدرس موهيك؟سرعة البوكس رهيبة ما بتنشاف مع انو الفيلم
دقيق و 30 فريم بالثانية يعني اكيد مو ملعوب بلسرعة خصوصي انو الصورة بعيدة يعني هلسرعة حقيقية ما شاء الله عليك يا ساموراي اكيد الفيلم من سنة وشوي لأنو كان امين عندو بكلوريا

lesson-final.wmv
3.23 MB

http://www.ziddu.com/download/11730936/lesson-final.wmv.html

_________________
على شط بحر الهوى
رسيت مراكبنا

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف عاشقة البحر في 18/9/2010, 19:59


طالع البوكس حقيقي تمام ويمكن صابو للاستاذ كل افلامو خبيط
لك اشتهت شي مرة وحدة بس يساويلنا فيلم رومنسي
مرة كتبوا موضوع فلموقع تبعو أنو كلواحد يحط ابيات عن الحب ولحينا عليه شي 40 مرة يكتبلنا ولو شي بيتين عن الحب ااام تزخم وتزخم وتزخم وكتب:
لا احفظ ألا بيت واحد
أحبها وتحبني ويحب ناقتها بعيري

ومن كتر الالحاح عليه مرة سوالنا فيلم رومنسي ااال اسمو
Kisses sweeter than wine
اال رومنسي اااال
مشان الله يلي عندو ياه يرفعوا عمركز تحميل حجمو 50 ميقا وانا هلأ ما بقدر حملو وتفرجوا الرومنسية بين القطة والأرنب
فيلم واحد بس ما فيو خبيط اسمو جاز نبكي من اختراعو كلو طناجر وعدة من البيت وشغال الجاز علاربعواربعين قيراط وعميعزفوا عليه بس اكتر من 100 ميقا ولو اختصرناه بتروح روعتو
وفيلم تاني وحيد حجمو 150 ميقا عزف علبيانو كمان ما ممكن اختصارو معمول على اغنية يقطعني عليك بنصح تاخدوه عفلاشة من عندو لأنو رهيب ومستحيل ما تضحكوا وراه شهرين زمان

وفيلم القرصان في النبك لم يتم نشره أيضا اكبر من 120 قيقا

_________________
على شط بحر الهوى
رسيت مراكبنا

الرجوع الى أعلى الصفحة اذهب الى الأسفل

رد: طرائف أبو أمين الخاصة جداً

مُساهمة من طرف عاشقة البحر في 18/9/2010, 20:05


نقلت لكم هازي المشاركة من نبك التصدي يلي نزولوها اليوم تازة فموضوع اسعد غنيمة شغلة رهيييييييبة والله

كتب المستحي في المنتدى 313:
===============
1-في جلسة عائلية حكى فلان بأن أبو أمين بتصير عندو صدف استباقية مستقبلية عجيبة.
ففي منتداه كتبوا موضوع عن الدانيمارك لما شتمت حضرة المصطفى صلى الله عليه وسلم فكتب الساموراي بأنه يخشى أن تحذوا بقية دول الغرب حذو الدانيمارك

وما مر أسبوع إلا وحصل ما قاله تماما.

2-كان عامل موقع اسمه جبل القتال وحمّل له الموقع علجيوسيتيز الأخ ماهر زحيمان وهو شاهد على ما حصل.
جرى ذلك في مركز الهبشة للمعلوماتية.

حط تصميم عبارة عن شخص مسلم ملتح رمى قنبلة بطريقة البولينج على تمثال الحرية فطار قسم من التمثال ثم دحرج قنبلة أخرى فطار القسم الأكبر من تمثال الحرية.

وبعد فترة وجيزة حصل هجوم مانهاتن وطاروا البرجين.

طلب أبو أمين دغري من ماهر حذف تلك الصورة من الموقع لكي لا يتهموننا بأننا من وراء هذه الصدفة الخارقة.

3-صدفة ثالثة خارقة للغاية ودقيقة جدا جدا:
عمل فيلم على سطح منزله بالنبك اسماه(آر بي جي نبكي)حيث أطلق أمين من الآر بي جي قذيفتين كل واحدة تحمل بوط الساموراي مسددتان نحو جورج دبليوسي بوش
وقال غود باي بو شيت (شيت يعني قذارة)... من سيخطر على باله مثل ذلك التصميم؟
وبعد فترة وجيزة قام الزيدي بقذف بوش بفردتي حذائه.

قذيفتين أصابتا تمثال الحرية وعدد الإصابات المحققة المدمرة في مانهاتن اثنين.

وفيلم الآر بي جي تم تسديد الحذائين فيه تجاه بوش ولم يصور أن الحذاءان قد أصاباه.
أليس ذلك من أغرب العجائب.

4-أثناء هذه الجلسة تهكم أحد الحاضرين وقال لي:
خلي الساموراي تبعك يرسمني وأنا مليونير.
صورت الشاب بجوالي وقلت له سأجعله يستخدم صورتك كما يريد هو.
أرسلت الصورة لأبي أمين بالبريد.
جاني التصميم فأرسلته بالبريد للشاب.

الساموراي حط الشاب فوق خازوق من العصر الحجري.
ضحك الشاب مني وأخذ يتهكم على الساموراي.
بعد أسبوع أخذوا الشاب علعسكرية وحطوه في قطعة عسكرية من كعب الدست.
حاول وما زال أن ينتقل من تلك القطعة ودفع مصاري كتيرة ولم يقدر حتى الآن على التخلص من الخازوق المبشم.
Very Happy Very Happy Very Happy

حتى يللي حط خالد نصر فوق خازوق ما مر يومين إلا وانهات كل الخوازيق رشا ودراكا على المذكور المنحط.
ويللي حط أبو عمار فوق الخازوق جرى له ما جرى....
هع هع ههههههههاي هع.......

اللهم انصره على حثالة البقر آآآآآآآآآمين واحفظه لنا من كل سوء ومكروه آآآآآآآآآآآآآمين يا رب العالمين.

إن ينصركم الله فلا غالب لكم.

انظروا إلى الذل والمهانة التي يرزح تحتها المبخوشين والحواوين وسائر أعداء الله والدين.الذين استخفوا واستهانوا بأبي أمين واستهدفوه وأولاده الأبرياء في كل منتد ومجال..

لا تنسوا يا هوايش الله غير الصالحين أن من كتب قصة(ابني لا يخطئ الهدف) والتي نالت الجائزة الكبرى ...
هو رام فريد من نوعه بارع للغاية أعصابه أشد متانه من الفولاذ المقسّى ....ما أخطأ هدفه يوما.

ولرب أشعث أغبر لو أقسم على الله لأبر قسمه.

ليس الدين بالشعارات الجوفاء واللحى التي يطلقونها والمنابر يعتلونها لإلقاء الخطب الإسلامية الرنانة.
الدين هو ما وقر في القلب باطنا.لا ظاهرا.

فمن يقدر على الاطلاع على مكنونات القلوب ما خلا علام الغيوب؟

نصيحتى للكلاب الجعارية التي تنبح:

لا تلقوا بأنفسكم إلى التهلكة.
لا تنعقوا عليه كالبوم كيلا يأتيكم المشؤوم من البلايا والعلوم.
ربما هو بطبيبته الهائلة قد لا يتصرف مع كونه من أهل التصرف.هو غني عن ذلك.
أنتم بمواجهه غيره من أهل التصرف.
هذه نصيحة مني فكفوا عنه كيلا تقعون في المحظورات التي لن تجر عليكم إلا الخراب والويلات.
وسيأتيكم العجب العجاب من الضربات.

باختصار:

أظنه مرصودا ضد الأذى بفضل ومنة خاصة من الله سبحانه وتعالى.

حساده كثر ومن يريدون إيذاءه كثر.

ما حاول أحد سحره إلا وارتد السحر عليه في التو واللحظة.وقد عاينت بنفسي-صدفة-عدة براهين.

والحمد لله رب العالمين.

(المستحي-بالواسطة).

_________________
على شط بحر الهوى
رسيت مراكبنا

الرجوع الى أعلى الصفحة اذهب الى الأسفل

صفحة 2 من اصل 3 الصفحة السابقة  1, 2, 3  الصفحة التالية

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى